Як крадуць матацыклы ў Ліёне

Добры дзень, шаноўнае спадарства!

Ня змог мінуць чарговае жахлівае відэа як крадуць матацыклы.

Гэтым разам падзеі адбываюцца ў французскім Ліёне. Зладзеі крадуць па-хамску, проста пасярод белага дня. Паглядзіце самі:

Як крадуць матацыклы ў Ліёне

Я пераглядаў відэа некалькі разоў, бо спачатку ўвогуле не зразумеў - а дзе тут крадзеж? Выглядала быццам БМВ едзе, а скутэр хоча яго падрэзаць ці штосьці ў гэтым духу.

Але пасля я звярнуў увагу на ногу кіроўцы скутэра: ён проста пхае БМВ, які каціцца па інэрцыі - яны відавочна не змаглі ці нават не спрабавалі яго завесьці. Калі так - гэта азначае што ўся акцыя цалкам была здзейсненая вельмі хутка.

Смутнае відовішча.

Якія можна зрабіць выснавы?

• неабязрушаны матацыкл можна спрытна каціць пры адпаведных навыках як на відэа
• на сігналізацыю, якая вішчыць на ўсю мошч, амаль ніхто не звяртае ўвагі, зусім, нават на люднай вуліцы
• зладзеі нікога і нічога не баяцца: так, яны трапілі на відэа, але сумняваюся што іх можна распазнаць у шлемах ды масках

Нажаль я ня ведаю канцоўкі гэтай гісторыі, але здаецца што сконьчылася яна ня вельмі добра.

Я даўно ўжо выношваю ідэю купіць дадатковы замок на задні тармазны дыск. Пярэдні замок у мяне ёсць, але ён занадта адкрыты і лёгкадаступны каб яго зламаць, як гэта робяць у Лёндане напрыклад. А вось да задняга будзе вельмі нязручна далезьці.

Трэба заняцца гэтым пытаньнем.

Беражыце свае матацыклы!