Райд паважаных джэнтльменаў - DGR 2023

Добры дзень, шаноўнае спадарства!

Два тыдні таму, 21 траўня адбылася штогадовая міжнародная дабрачынная акцыя - The Distinguished Gentlemen's Ride і я хацеў бы расказаць некалькі сказаў пра гэтае мерапрыемства.

Мэтай DGR з'яўляецца збор сродкаў на даследаванні мужчынскага псіхічнага здароўя і рака прастаты. Чаму гэта вельмі паважная тэма? Летась перад парадам быў невялічкі выступ аднаго з матацыклістаў, які з'яўляецца уролагам. Ён распавядаў што большасць мужчынаў звычайна ігнаруе тэму штогадовых абследаваньняў, а мужская анкалогія(як напэўна і кожная іншая) калі яна ўжо адчуваецца - гэта тэрмінальны стан. На ранніх стадыях імавернасьць вылечыцца даволі высокая, але без штогадовых абследаваньняў гэта проста немагчыма выявіць. Кожны з нас робіць штогод а то і часцей тэхагляд свайго матацыкла, даглядае і клапоціцца пра яго, але няшмат з нас робяць такія тэхагляды свайго арганізму і нажаль матацыкл можна адрэмантаваць амаль з кожнага стану, а чалавека - не. Ну і ваш мотык вы на той сьвет усё роўна не забярэце... Ёсьць над чым задумацца.

Акцыя ўяўляе сабой парад вінтажных(і ня толькі) матацыклаў з элеганцка апранутымі кіроўцамі ды пасажырамі вуліцамі гарадоў па ўсім сьвеце. Дастаткова зайсьці на адпаведную інтэрнэт-старонку, знайсьці свой горад і зарэгістравацца(гэта бескаштоўна!). Кожны ўдзельнік можа ахвяраваць столькі сколькі хоча/можа таксама праз гэтую старонку(і толькі праз яе).

Гэта ўжо мой другі ўдзел у гэтай акцыі. Раю, калі ёсьць такая магчымасьць, браць удзел - гэта заўсёды файная атмасфера. Ну і па-другое - гэта проста прыгожа!

Ва Ўроцлаве парад традыцыйна пачынаецца з салону Unikat Motorworks - гэтыя хлопцы галоўныя амбасадары DGR. Дарэчы кожны зарэгістраваны атрымліваў невялічкія прэзенты ад іх :)

Вось паглядзіце як гэта выглядала:

Відэа парада праз горад:

Відэа парада праз горад

У гэтым годзе мы праехалі праз Уроцлаў і сконьчылі парад у замку Topacz.

Дзякуй за ўвагу! Распавядайце сябрам і далучайцеся!